mn
Үндэсний Хувьчлалын Сан ХОС Монголын Хөрөнгийн Биржид бүртгүүллээ

08.09.2020



Улаанбаатар,
2020-8-26

– Монголын анхны хамтын хөрөнгө оруулалтын сан (ХОС) болох “Үндэсний Хувьчлалын Сан” нь 2020 оны 8 сарын 24-нд Монголын Хөрөнгийн Бирж (МХБ)-д бүртгүүллээ. Ингэснээр Ард Санхүүгийн Нэгдлийн охин компани болох Ард Менежмент нь хөрөнгө оруулалтын сангийн үүд хаалгыг Монголдоо анхлан нээж, салбарын бусад оролцогчдод цаашдын хөгжлийн зүг чигийг нь гаргаж өгч чадлаа. Энэ үйл явдал нь дуншиж байгаа тэтгэвэр, даатгалын шинэчлэлийн ажлын суурийг тавьж өгч буйгаараа онцлогтой.

Хөрөнгө оруулалтын сан үүсэн бий болсноос хойш 250 жил болж байгаа хэдий ч анх 1924 онд АНУ-д байгуулагдсан  Массачусэтсийн хөрөнгө оруулалтын сан нь нэг жилийн дотор нийт хөрөнгөө 50 мянган доллараас 392 мянган доллар хүртэл өсгөж чадсанаар олон нийтийн анхаарлыг татсан юм. Үүнээс хойш Америк болон Европт хөрөнгө оруулалтын сангуудад олон нийт ихээр хөрөнгө оруулах болсон билээ.

Үндэсний Хувьчлалын Сан нь Монголын болон олон улсын зах зээл дээр арилжаалагддаг үнэт цаасанд хөрөнгө оруулалт хийж, нэгж эрх эзэмшигчдэдээ ашгаа хуваарилах зарчмаар ажиллана. Бид Монгол Улсын төрийн өмчит компаниудын хувьчлалд ард иргэдээ уриалан оролцуулснаар Монгол хүн улсынхаа баялгийн жинхэнэ эзэн болох боломжийг нээж өгөхөөр зорьж буй мэргэжлийн хөрөнгө оруулагч байгууллага юм.

ХОС хөрөнгийн зах зээлд оролцож, өгөөж хүртэх сонирхолтой ард иргэдэд банкны хадгаламж, компанийн бонд, хувьцаатай өрсөлдөх бүтээгдэхүүнийг санал болгоно. Нөгөө талдаа энэ сан нь Монголын хөрөнгийн зах зээлийн анхны дагнасан мэргэжлийн оролцогч буюу институционал тоглогч болж байгаагаараа онцлогтой бөгөөд түүгээрээ Монголын хөрөнгийн зах зээлийн хөгжилд өндөр ач холбогдолтой юм. Ард Менежментийн хөрөнгө оруулалтын шинжээчид мэргэжлийн судалгаанд тулгуурлан хөрөнгө оруулалтын бодлогоо тодорхойлж, ашиг өгөөжийг оптимал түвшинд барин ажиллахаар бэлтгэлээ хангасан болно.

Үндэсний Хувьчлалын Сангийн нэгж эрх нь 100 төгрөгийн нэрлэсэн үнэтэй бөгөөд Монголын Хөрөнгийн Биржээр дамжуулан “ХОС” гэсэн тикертэйгээр олон нийтэд арилжаалагдах болно. Та бидэнтэй холбогдож дэлгэрэнгүй мэдээллийг авах боломжтой.

Үндэсний Хувьчлалын Сан ХОС тикер: MSE : ХОС

Дэлгэрэнгүй мэдээллийг: 

Төв оффис: Улаанбаатар хот, Сүхбаатар дүүрэг, 8 хороо, Ерөнхий сайд Амарын гудамж, Ард Холдингсын байр, 2 давхар. w3w: цэнэг.эрдэмтэй.өнгөлөх
Сэнтрал Тауэр салбар: Сүхбаатар дүүрэг, 8 хороо, Сүхбаатарын талбай-2. w3w: оюунлаг.азтанд.өтгөрөх
Холбоо барих утас: 7707-8080, 7707-8181, 7707-8282
И-мэйл хаягinfo@ardmanagement.mn
Вэб сайтwww.ardmanagement.mn
Facebook: https://www.facebook.com/ardmanagement

хуваалцах:







бусад мэдээ

27.11.2020

НЭГЖ ЭРХИЙН АРИЛЖААНЫ МЭДЭЭ

Үндэсний Хувьчлалын Сангийн нэгж эрхийн хоёрдогч зах зээлийн арилжаа 2020 оны 10 сарын 26-ны өдөр эхэлсэн бөгөөд арилжаа эхлэхэд нэгж эрхийн үнэ 115 төгрөгт хүрч анх санал болгосон 100 төгрөгөөс даруй 15%-иар өссөн. Энэхүү өсөлтөд нэгж эрхийг худалдаж авах сонирхолтой хөрөнгө оруулагчдын эрэлт өндөр байсан нь голлон нөлөөлсөн ба 2020 оны 10 сарын 26-ны өдрөөс […]

Цааш нь   

25.11.2020

ХӨРӨНГӨ ОРУУЛАЛТЫН ГҮЙЦЭТГЭЛ

Үндэсний Хувьчлалын Сан нь 2020 оны 11 сарын 25-ны өдрийн байдлаар нийт 1.4 тэрбум төгрөгийн хөрөнгө оруулалт хийж, 28.6сая төгрөгийн дэлгэрэнгүй орлоготой ажилласан ба тухайн өдрийн сангийн цэвэр хөрөнгө 5.03 тэрбум төгрөг, нэгж эрхийн үнэлгээ 100.5 төгрөг байна. Дэлгэрэнгүй мэдээллийг энэхүү холбоосоор авна уу.

Цааш нь   

17.11.2020

НЭГЖ ЭРХИЙН АРИЛЖААНЫ МЭДЭЭ

Үндэсний Хувьчлалын Сангийн нэгж эрхийн хоёрдогч зах зээлийн арилжаа 2020 оны 10 сарын 26-ны өдөр эхэлсэн бөгөөд арилжаа эхлэхэд нэгж эрхийн үнэ 115 төгрөгт хүрч анх санал болгосон 100 төгрөгөөс даруй 15%-иар өссөн. Энэхүү өсөлтөд нэгж эрхийг худалдаж авах сонирхолтой хөрөнгө оруулагчдын эрэлт өндөр байсан нь голлон нөлөөлсөн ба 2020 оны 10 сарын 26-ны өдрөөс […]

Цааш нь